امریکی ڈالر 11 ماہ کی بلند ترین سطح پر پہنچ گیا

کراچی: انٹر بینک میں امریکی ڈالر 11 ماہ کی بلند سطح 166 روپے سے بھی تجاوز کرگیا ، ایک دن ڈالر کی قدر میں 1 روپے9 پیسے اضافہ ہوا۔

تفصیلات کے مطابق کرنسی مارکیٹس میں روپے کی بے قدری کا سلسلہ جاری ہے، انٹربینک اور اوپن مارکیٹ میں ڈالر کی قدر میں اضافہ ریکارڈ کیا گیا اور ڈالر کی قیمت بدستور ریکارڈ سطح پر ہے۔

فاریکس ڈیلرز کا کہنا ہے کہ انٹربینک میں ڈالرایک دن میں 1.08روپے مہنگا ہوا، جس کے بعد ڈالر کی قیمت 166روپے سے تجاوز کرگئی اور انٹربینک میں ڈالر166روپے28پیسے پر پہنچ گیا جبکہ اوپن مارکیٹ میں 20پیسے کے اضافے سے ڈالر کی قیمت خرید 164.20 روپے سے بڑھ کر 164.40 روپے اور قیمت فروخت 164.60 روپے سے بڑھ کر 164.80 روپے ہو گئی ہے۔

اسٹیٹ بینک کے مطابق انٹر بینک میں ڈالر 165.20 روپے بڑھ کر 166.29 روپے پر بند ہوا۔

ڈالر کی قدر بڑھنے سے ملک پر عائد واجب الادا قرضوں میں اضافہ ہوتا جارہا ہے، معاشی ماہرین کا کہنا ہے کہ ڈالر کی قدر بڑھنے سے مہنگائی میں اضافہ ہوگا، جس کے باعث درآمدی اشیاء اور خام مال کی قیمت بڑھے گی۔

Comments






#امریکی #ڈالر #ماہ #کی #بلند #ترین #سطح #پر #پہنچ #گیا

اپنا تبصرہ بھیجیں