انگلینڈ نے بھارت کو عبرت ناک شکست سے دوچار کر دیا –

ہیڈنگلے: انگلینڈ نے پانچ میچز کی سیریز کے تیسرے ٹیسٹ میچ میں‌بھارت کو عبرت ناک شکست سے دوچار کر دیا۔

تفصیلات کے مطابق پانچ میچز پر مشتمل ٹیسٹ سیریز کے تیسرے میچ میں انگلینڈ نے بھارت کو ایک اننگز اور 76 رنز کی عبرت ناک شکست دے دی۔

ہیڈنگلے میں کھیلے گئے میچ میں بھارتی ٹیم کے کپتان ویرات کوہلی نے ٹاس جیت کر بیٹنگ کا فیصلہ کیا تھا، لیکن بھارتی ٹیم پہلی اننگز میں انگلینڈ کے تجربہ کار بولرز جیمز اینڈرسن، اولی روبنسن اور سیم کرن کی تباہ کن بولنگ کے آگے صرف 78 رنز پر ڈھیر ہو گئی۔

بھارت کے کپتان ویرات کوہلی سمیت 9 بیٹسمین ڈبل فگر کا ہندسہ عبور کرنے میں بھی کامیاب نہ ہو سکے، جب کہ انگلینڈ نے اپنی اننگز میں کپتان جو روٹ کی شان دار سینچری کی بدولت 432 رنز بنائے اور بھارت پر 354 رنز کی برتری حاصل کی۔

سیکیورٹی نے اس ’بھارتی کھلاڑی‘ کو پکڑ کر پچ سے کیوں نکالا؟ (ویڈیو دیکھیں)

جواب میں بھارتی ٹیم اپنی دوسری اننگز میں محض 278 رنز بنا کر ڈھیر ہو گئی اور یوں انگلینڈ کے بھارت ایک اننگز اور 76 رنز سے ہرا دیا۔

دوسری اننگر میں انگلینڈ کے اولی روبنسن نے 5 جب کہ کریگ اورٹن نے 3 کھلاڑیوں کو آؤٹ کیا، اس جیت کے ساتھ انگلینڈ اور بھارت کے مابین ٹیسٹ سیریز ایک ایک سے برابر ہو گئی ہے۔

Comments






#انگلینڈ #نے #بھارت #کو #عبرت #ناک #شکست #سے #دوچار #کر #دیا

اپنا تبصرہ بھیجیں