فواد عالم نے کوہلی، گواسکراور ٹنڈولکر کو پیچھے چھوڑ دیا

جمیکا: قومی ٹیسٹ کرکٹر فواد عالم نے ایک اور سنچری بنا کر کوہلی، ٹنڈولکر اور گواسکر کو پیچھے چھوڑ دیا۔

تفصیلات کے مطابق گزشتہ روز ویسٹ انڈیز کے خلاف سنچری اسکور کرکے فواد عالم ایشیا میں سب سے کم اننگز میں 5 سنچریز بنانے والے بیٹسمین بن گئے، انہوں نے یہ اعزاز 22 اننگز میں حاصل کیا۔

بھارت کے چتیشور بجارا نے 24 اننگز میں 5 ٹیسٹ سنچریز بنا رکھی ہیں جبکہ گنگولی اور سنیل گواسکر نے 25 اننگز کھیل کر 5، 5 سنچریاں بنائی تھیں ان کا اس فہرست میں تیسرا اور چوتھا نمبر ہے۔

فہرست میں پانچویں نمبر پر بھارتی کرکٹر وجے ہزارے ہیں جنہوں نے 26 اننگز میں 5 سنچریز اسکور کی تھیں جبکہ پاکستان کی طرف سے یونس خان 28 اننگز میں یہ اعزاز حاصل کرچکے ہیں۔

مزید پڑھیں: ‏’ماں نے کہا تھا کہ اس میچ میں تم سنچری بناؤ گے‘‏

فواد عالم نے ٹیسٹ کرکٹ میں تقریباً ایک سال قبل واپسی کی اور اب تک وہ چار سنچریز بنانے میں کامیاب ہو چکے ہیں۔ انہوں نے یہ سنچریز نیوزی لینڈ، جنوبی افریقہ، زمبابوے اور ویسٹ انڈیز کے خلاف بنائی ہیں۔

فواد عالم نے جنوبی افریقہ کے خلاف 109، نیوزی لینڈ کے خلاف 102، زمبابوے کے خلاف 140 رنز کی شاندار اننگز کھیلی جبکہ ویسٹ انڈیز کے خلاف 124 رنز کے ساتھ ناٹ آؤٹ رہے۔

Comments






#فواد #عالم #نے #کوہلی #گواسکراور #ٹنڈولکر #کو #پیچھے #چھوڑ #دیا

اپنا تبصرہ بھیجیں