مصباح الحق کا کرونا ٹیسٹ مثبت آ گیا –

جمیکا: قومی ٹیم کے ہیڈ کوچ مصباح الحق کا کرونا ٹیسٹ مثبت آ گیا۔

تفصیلات کے مطابق قومی کرکٹ ٹیم کے ہیڈ کوچ کرونا وائرس کا شکار ہو گئے ہیں، مصباح الحق جمیکا میں 10 روز کا قرنطینہ کریں گے۔

مصباح الحق قومی ٹیم کے ہمراہ وطن واپسی کے لیے روانہ نہیں ہوں گے۔

واضح رہے کہ پاکستان اور ویسٹ انڈیز کے درمیان دو ٹیسٹ میچز پر مشتمل سیریز ایک ایک سے برابر رہی ہے، پہلا ٹیسٹ میچ ویسٹ انڈیز نے نے جیتا، جب کہ دوسرا ٹیسٹ پاکستان کے نام رہا۔

کنگسٹن ٹیسٹ : پاکستان نے فتح اپنے نام کرلی، شاہین آفریدی شاندار کارکردگی

دوسرے ٹیسٹ میچ کے آخری روز آج پاکستان کو 9 وکٹیں درکار تھیں، جب کہ ویسٹ انڈیز کو 280 رنز بنانے تھے، تاہم چار وکٹیں لے کر شاہین آفریدی نے حریف ٹیم کو 219 رنز پر آؤٹ کر دیا۔

اس فتح کے ساتھ قومی ٹیم نے ٹیسٹ چیمپئن شپ کے پوائنٹس ٹیبل پر 12 پوائنٹس حاصل کر لیے ہیں۔

ویسٹ انڈیز کے خلاف دوسرے ٹیسٹ میچ  کے دوران شاہین شاہ آفریدی نے10 وکٹیں حاصل کیں  جب کہ  2  میچز کی اس سیریز میں شاہین شاہ نے مجموعی طور  پر  18  شکار کیے جو کسی بھی 2 میچز کی سیریز میں ایک پاکستانی فاسٹ بولر کی سب سے زیادہ وکٹیں ہیں۔

Comments






#مصباح #الحق #کا #کرونا #ٹیسٹ #مثبت #گیا

اپنا تبصرہ بھیجیں