پنجابی کلام امجد عارفی صاحب

بوٹا کہڑی شئے دا اگدا جاندا اے
سارے باغ دا ساہ ای سکدا جاندا اے

پیروں واہنے اس دے پچھے پئے گئے نیں
راہواں توں جو کنڈے چگدا جاندا اے

بالی رکھساں لہو دی دے کے قربانی
جیہڑا اجکل ڈیوا بجھدا جاندا اے


پہلے غیراں تے کر لیندے ساں پر ہن
سکیاں توں اتبار وی اٹھدا جاندا اے

پاہلی واری شوہدے پیسے ویکھے نیں
اپنی اوس اوقات نوں بھلدا جاندا اے

جہڑا ، جناں میوے نال لدیندا اے
اوناں ہی اوہ امجد جھکدا جاندا اے

اپنا تبصرہ بھیجیں