کاروباری اعتماد میں تاریخی بہتری، سروے رپورٹ جاری –

کراچی: اوورسیز انویسٹرز چیمبرآف کامرس اینڈ انڈسٹری(اوآئی سی سی آئی)نے مئی سے جولائی ‏‏2021کے دوران ملک بھر میں کئے گئے اپنے جامع بزنس کانفیڈنس انڈیکس (بی سی آئی) سروے ‏ویو20(‏Wave20‎‏) کے نتائج کا اعلان کردیا ہے جس کے مطابق پاکستان میں کاروباری اعتمادکے اسکور ‏میں گذشتہ سروے ویو 19کے منفی 50فیصدکے مقابلے میں 59فیصدکی ریکارڈ بہتری آئی ہے جواب ‏مثبت 9فیصد ہوگیا ہے۔ واضح رہے کہ مثبت بی سی آئی آخری بار اپریل 2018میں ویو16کے دوران ‏دیکھا گیا تھا۔ ‏

واضح رہے کہ بی سی آئی سروے ہرسال منعقد کیا جاتا ہے جو کاروباری ماحول، مواقعوں اور ‏متعلقہ کاروباری امور کو متاثر کرنے کے بارے میں فرنٹ لائن کاروباری اسٹیک ہولڈرز کی جامع ‏رائے پر مشتمل ہوتا ہے۔اس سروے کے نتائج مرتب کرنے میں گذشتہ چھ ماہ کے دوران علاقائی، ‏قومی، سیکٹرل اور اداروں کی سطح پر کاروباری ماحول کو بھی مدِّ نظر رکھا گیا ہے نیز اگلے چھ ‏مہینوں میں متوقع کاروباری اور سرمایہ کاری کے ماحول کے بارے میں جواب دہندگان کی رائے ‏طلب کی گئی ہے۔

یہ سروے ملک کے اُن پانچ بڑے کاروباری شہروں میں منعقد کیا گیا جو پاکستان کے جی ڈی پی ‏میں 80فیصد حصہ شیئرکرتے ہیں۔ سروے میں کراچی، لاہور، اسلام آباد، راولپنڈی اور فیصل آباد کے ‏اہم مراکز کو فوکس کیا گیا۔سروے کے رائے دہندگان میں 40فیصد کا تعلق مینوفیکچرنگ،35فیصد ‏کا تعلق خدمات اور25فیصدکا تعلق ریٹیلرز و ہول سیلرز کے شعبے سے تھا۔

حالیہ سروے میں ملک میں کاروباری برادری کے اعتماد میں پچھلے سروے کے منفی سے مثبت ‏میں تبدیل ہونے کی بڑی وجہ مینوفیکچرنگ، ‏
خدمات اور ریٹیل و ہول سیل کے شعبوں میں تاریخی اضافہ تھا۔ پہلے دو میں 65فیصد اضافہ ‏دیکھنے میں آیا(مینوفیکچرنگ کے شعبے میں منفی 48سے مثبت 17فیصد اور خدمات کے شعبے ‏میں منفی 59سے مثبت 6فیصد)جبکہ ریٹیل و ہول سیل کے شعبے میں 44فیصد (منفی 44سے ‏‏0فیصد) اضافہ دیکھنے میں آیا۔ لاک ڈاؤن کی پابندیاں ہٹنے سے مینوفیکچرنگ کا شعبہ اپنے ‏‏100فیصد پیداواری صلاحیت پر واپس آگیا ہے اور اب وہ لاک ڈاؤن کے دوران بھی اپنے مصنوعات ‏فروخت کرنے کے قابل ہوگئے ہیں جس سے تمام کاروباری شعبوں پر مثبت اثرات پڑے ‏ہیں۔کاروباری اوقات کم ہونے کی وجہ سے ریٹیلرز اور ہول سیلرز بڑے پیمانے پر کرونا کی ‏پابندیوں سے متاثر ہوئے جس کے نتیجے میں آمدنی، نقد بہاؤاور دیگر مسائل پیدا ہوئے۔ اس شعبے ‏سے تعلق رکھنے والے افراد کا ماننا ہے کہ اگلے چھ ماہ میں فروخت، منافع اور کیش فلو مزید بہتر ‏ہوگا۔

بہتر بی سی آئی انڈیکس پر تبصرہ کرتے ہوئے اوآئی سی سی آئی کے صدر عرفان صدیقی نے کہا ‏کہ بی سی آئی سروے کے نتائج غیر ملکی سرمایہ کاروں سمیت کاروباری اعتماد میں بہتری کی ‏نشاندہی کرتے ہیں۔ بہتر ایکسچینج ریٹ، تیز افراطِِ زر، شرح سود میں جزوی کمی کی وجہ سے ‏بڑے اقتصادی اشاریوں کو چیلنج کرنے کے باوجودگذشتہ ویو19میں مایوسی کے برعکس بی سی ‏آئی ویو20سروے کے نتائج کاروباری برادری کے آگے بڑھنے کی عکاسی کرتے ہیں۔اس امید اور ‏جذبات میں تبدیلی کی اہم وجہ کاروباری برادری کا مستقبل کے بارے میں مضبوط تاثر ہے۔فعال ‏معاشی اور سماجی پالیسی اقدامات کے ذریعے حکام کی طرف سے ویکسین کے اجراء کی حمایت ‏کی وجہ سے حکومت اہم معاشی اسٹیک ہولڈرز کے درمیان اعتماد پیدا کرنے میں کامیاب دکھائی ‏دیتی ہے۔

مالی بجٹ 2021-22کاروباری طبقے کیلئے ہٹ ثابت ہواکیونکہ بی سی آئی کا اسکور مالی بجٹ کے ‏بعد نمایاں طور پر زیادہ تھا۔سروے کے رائے دہندگان سمجھتے ہیں کہ پالیسیاں زیادہ شفاف، ‏مستقل او رمتوقع ہیں اوروہ اگلے چھ ماہ میں اپنے کاروبارسے متعلقہ کے پی آئیزمیں بہتری کی ‏توقع رکھتے ہیں۔

ویو20کاروباری اعتماد اسکور میں بڑی تبدیلی کے اہم محرک قوت جواب دہندگان کے اپنے شہر کی ‏کاروباری صورتحال(+21فیصد)، صنعت کاروباری صورتحال(+19فیصد)کے حوالے سے اگلے چھ ‏مہینوں کیلئے امید میں نمایاں اضافہ ہے۔ کاروباری صورتحال(+20فیصد)، متوقع فروخت کے حجم ‏میں اضافہ(+20فیصد)،منافع میں اضافہ(+22فیصد)اور سرمایہ کاری میں اضافہ(+19فیصد)۔

اوآئی سی سی آئی کے ممبران سرکردہ غیر ملکی سرمایہ کاروں کے جذبات جنہیں اس سروے میں ‏شامل کیا گیا ہے نے بھی اس کاروباری تبدیلی سے فائدہ اٹھایا ہے اور 108فیصد بہتری دیکھی ہے، ‏ویو 19میں 74فیصد منفی سے، تازہ ترین بی سی آئی ویو20 میں 34فیصدمثبت، مجموعی طور پر ‏ملک بھر میں 9فیصد کو پیچھے چھوڑ دیاہے۔

سروے کے نتائج پر تشویش کا اظہار کرنے والے جواب دہندگان پر تبصرہ کرتے ہوئے اوآئی سی سی ‏آئی کے سیکریٹری جنرل عبدالعلیم نے کہاکہ سروے میں کاروباری ترقی کیلئے تین بڑے خطرات ‏کی نشاندہی کی گئی ہے، کرپشن(67فیصد)، غیر مستحکم توانائی کے اخراجات(66فیصد) اور ‏کرنسی کی قدر میں کمی (60فیصد)جو ممکنہ طور پر پاکستان میں کاروباری نمو کو سست کرسکتا ‏ہے۔سروے کے دس میں سے نو جواب دہندگان کا خیال ہے کہ کووڈ نے روزانہ کی بنیاد پر ‏کاروباری سرگرمیوں کو مشکل بنادیا ہے۔

سروے کے جواب دہندگان نے اگلے چھ مہینوں میں 25فیصد(ویو 19میں منفی 35فیصد)کاروباری ‏کاموں میں توسیع39فیصد(ویو19میں 12فیصد)نئی سرمایہ کاری کی منصوبہ بندی اور12فیصدجواب ‏دہندگان کی توقع کے مسلسل امید کا اظہار کیا(ویو19 میں منفی 31فیصد)نے اپنے متعلقہ ‏کاروبارمیں روزگارکے منصوبوں کی نشاندہی کی۔

Comments






#کاروباری #اعتماد #میں #تاریخی #بہتری #سروے #رپورٹ #جاری

اپنا تبصرہ بھیجیں