کورونا کے پھیلاؤ میں تیزی، مختلف علاقوں میں لاک ڈاؤن کا فیصلہ

اسلام آباد: وفاقی دارالحکومت میں کورونا وائرس کے پھیلاؤ میں تیزی آگئی جس کے باعث مختلف علاقوں میں اسمارٹ لاک ڈاؤن کا فیصلہ کیا گیا ہے۔

تفصلات کے مطابق وزارت قومی صحت نے اسمارٹ لاک ڈاؤن سے متعلق اسلام آباد کی ضلعی انتظامیہ کے نام مراسلہ جاری کردیا جس میں دارالحکومت کے 16مقامات پر اسمارٹ لاک ڈاؤن کی ہدایت کی گئی ہے۔ دوسری جانب مختلف علاقوں میں کورونا سرویلنس کا عمل بھی جاری ہے۔

مراسلہ میں کہا گیا ہے کہ دوران سرویلنس بعض علاقوں میں کورونا کیسز کی نشاندہی ہوئی ہے، مخصوص علاقوں میں کورونا کیسز میں تیزی سے اضافہ ہورہا ہے۔

مراسلہ کے مطابق کورونا کا پھیلاؤ روکنے کے لیے آمدورفت محدود کرنا ناگزیر ہے، انتظامیہ اسلام آباد کے مخصوص علاقوں میں آمد ورفت روکنے کے اقدامات کرے، سیکٹرجی سیون ٹوکی گلی نمبر 54 اور 56 میں لاک ڈاؤن لگائیں۔

حکم دیا گیا ہے کہ اسلام آباد کے سیکٹرآئی ٹین ٹوکی گلی نمبر 9میں آمدورفت روکی جائے۔

Comments






#کورونا #کے #پھیلاو #میں #تیزی #مختلف #علاقوں #میں #لاک #ڈاؤن #کا #فیصلہ

اپنا تبصرہ بھیجیں