کیا آپ کا بچہ بیمار سا محسوس ہوتا ہے؟ –

اکثر اوقات ہمیں اپنے گھر میں یا ارد گرد موجود بچے کچھ کچھ بیمار سے لگتے ہیں، والدین بچوں کو ڈاکٹر کے پاس لے کر جاتے ہیں لیکن ڈاکٹر بتاتا ہے کہ بچہ بالکل صحت مند ہے اور اسے کوئی بیماری نہیں۔

لیکن اس کے باوجود بچہ بیمار اور سست سا دکھائی دیتا ہے۔ آپ کے لیے یہ جاننا باعث حیرت ہوگا کہ کسی بچے کے بیمار ہونے کی وجہ اس کا جسمانی طور پر غیر فعال ہونا بھی ہوسکتا ہے۔

عالمی ادارہ صحت کی جانب سے کی جانے والی ایک تحقیق میں کہا گیا کہ دنیا بھر میں ہر 4 میں سے 1 بچہ مناسب طور پر فعال نہ ہونے کی وجہ سے بیماریوں کی زد میں ہے۔

اس حوالے سے عالمی ادارہ صحت نے کچھ عرص قبل ایک پروگرام بھی شروع کیا ہے جس کا مقصد دنیا بھر میں خاص طور پر بچوں میں جسمانی سرگرمیوں کو فروغ دینا ہے۔

عالمی ادارہ صحت کے سربراہ ڈاکٹر ٹیڈروس کا کہنا ہے کہ بچوں کو جسمانی طور پر فعال کرنے کے لیے ہمیں خاص کوششوں کی ضرورت نہیں۔ ایسا نہیں کہ اس کے لیے باقاعدہ تعلیم دی جائے یا کوئی طویل المدتی منصوبہ بنایا جائے۔ اس کے لیے صرف ہمیں یہ کرنا ہوگا کہ ہم اپنی دنیا کو ایسا بنائیں جہاں جسمانی سرگرمیاں فروغ پاسکیں۔

ماہرین کے مطابق اس وقت دنیا میں ایک ارب سے زائد (بچے اور بالغ) افراد ایسے ہیں جو جسمانی طور پر سرگرم نہ ہونے کی وجہ سے مختلف بیماریوں کا شکار ہیں۔

ان کے مطابق ہمیں لاحق ہونے والی کئی بیماریاں ایسی ہیں جن سے صرف جسمانی طور پر حرکت کے ذریعے باآسانی چھٹکارہ پایا جاسکتا ہے۔ ماہرین نے تجویز دی ہے کہ جسمانی طور پر سرگرم رہنے کے لیے پیدل چلنا اور سائیکل چلانا بہترین طریقہ کار ہیں۔

Comments






#کیا #اپ #کا #بچہ #بیمار #سا #محسوس #ہوتا #ہے

اپنا تبصرہ بھیجیں