‏’اگست میں ہدف سے 85 ارب زائد ٹیکس جمع ہوا‘‏ –

چیئرمین ایف بی آر ڈاکٹر اشفاق نے کہا ہے کہ رواں مالی سال کےپہلے2ماہ میں850ارب روپےکی ٹیکس وصولی ‏کی، ٹیکس وصولی میں41 فیصداضافہ ہوا ہے۔

اسلام آباد میں پریس کانفرنس کرتے ہوئے چیئرمین ایف بی آر ڈاکٹر اشفاق نے کہا کہ گزشتہ مالی سال4735ارب ‏روپے کا ٹیکس جمع ہوا اور 364 ارب کےٹیکس ری فنڈ دیئےگئے، اس سال اگست میں434ارب کاٹیکس جمع ہوا ہے ‏جو مقررہ ہدف سے 85ارب زائد ہے۔

انہوں نے بتایا کہ اس مالی سال کےپہلےدو ماہ میں850کاٹیکس جمع کیا اور 35ارب روپےکا ٹیکس ری فنڈ دیا گیا، ‏ٹیکس ری فنڈ کا نظام خودکار اور تیزتر کیا گیاہے۔

چیئرمین ایف بی آر نے کہا کہ گزشتہ سال فیلڈفارمیشن،ہیڈآفس میں محنت سےٹیکس وصولی بڑھی گزشتہ سال ‏سینٹر لائزڈ منصوبہ بندی کی اور غلط اختیارات کےاستعمال پرسخت کارروائی کی گئی، ٹیکس گزاروں کےمسائل ‏کوحل کیا۔

ان کا کہنا تھا کہ اسمگلنگ اور انڈران وائسنگ کےخلاف سخت کارروائی کی گئی، پٹرولیم مصنوعات کی اسمگلنگ ‏کیخلاف سخت کارروائی کی جو امسال بھی جاری ہے، ساتھ ہی اصلاحات کا عمل جاری رہےگا ٹیکس بیس کوبڑھا ‏دیا گیاہے، 2008سے2018 کےدرمیان ریفنڈکوحل کیاگیا، کوشش ہےکہ ریفنڈمیں مزیدرقم جمع نہ ہو۔

Comments






#اگست #میں #ہدف #سے #ارب #زائد #ٹیکس #جمع #ہوا

اپنا تبصرہ بھیجیں